María Castro.

María Castro Jato, nada en Vigo o 30 de novembro de 1981, é unha deportista, presentadora, modelo e actriz galega.

Campiona de Galicia de ximnasia rítmica deportiva en tódalas categorías, subcampiona de España na modalidade de pelota (1996), diplomada en Maxisterio por Educación Física e licenciada en Ciencias da Actividade Física e o Deporte. Traballou como modelo profesional e realizou cursos de danza moderna e contemporánea, dobraxe, esgrima actoral, clown e interpretación diante da cámara.

Fíxose popular en Galicia a raíz do seu papel na serie Pratos combinados. Máis tarde traballou no serial xuvenil de LaSexta SMS (2006) e a principios de 2008 converteuse nunha das protagonistas da serie Sin tetas no hay paraíso, en Telecinco, que lle reportou unha grande popularidade a nivel de España. Ademais, en 2008 foi elixida por Telecinco para retransmitir as badaladas de fin de ano xunto ó presentador Christian Gálvez.

Entre os seus traballos cinematográficos destacan os filmes galegos Días azuis e Os mortos van á présa.

O 16 de outubro de 2009 gañou o Premio Ondas, pola serie Sin tetas no hay paraíso.

Actualmente traballa na serie Tierra de Lobos, tamén de Telecinco.

* En cada un dos enlaces marcados en cor verde, pódense ver videos relacionados con cada aparición de María.

Entrevista a María Castro nun programa de entretemento: Buenafuente (LaSexta)